شمارهٔ ۵
امیر پازواریاون جام که جمشید می بخرد بی یکی دم
از اون جام تره سی نوویه یکی کم
نگین چه سلیمٰانی و جٰام چون جم
ای جم صفت ته دولت دمی نوه کم
عیسیٰ دم و یحییٰ قدم مه دل شم
یارب تنه دشمن ره فرو وره غم
رستم کنش کٰاووس منش کی خسرو چم
گردونه تخت فرزویه بخت زمونه پرچم
فلک بنده دولت زنده دایم بی غم
فتح و ظفر یارب نوویه تره کم
زمونه نوو هرگز به ته چم حٰاکم
پشت در پشت به شاهی برسی تا آدم
هر کس که تنه خدمت ره کج کشه دم
شویه به دریو او نخره یکی دم