شمارهٔ ۷
امیر پازواریعجب خشه که طالع کسی ره یاره
هزار وله کار کنه دنی ور خاره
بی عیب به دنی خونن یکی خداره
مره ذره عیب این که دنی ره یاره
نازنین دوست دل لنگرمه اختیاره
زمین بیته لنگر به یک جا قراره
دوست دل سر مه دکون عطاره
بعضی چیزها که وینه اونجه در کاره
دوست مجشگاه هر صواح رو کناره
معجر بکته سیم و زر پاک دیاره
مه چش هر شو دریویه یک جا قراره
نی نی به گرداب شیرین بییته جاره
ونه هکردن فکر نهم سماره
عجب بیستون بساته این سماره